Кон крајот на минатиот месец, анкетата на Американското здружение за психијатри забележа дека скоро половина од Американците се загрижени за заразување со COVID-19. Близу две третини се загрижени поради тоа што еден член на семејството се заразил и две третини од луѓето исто така покажале страв од долготрајните последици врз економијата.
Веројатно и вие сте загрижени за сето горенаведено – плус секојдневните потреби на вашите блиски и сите околу вас.
Сето тоа може да доведе до голем степен на грижи.
Затоа пред да се впуштите во помош кон другите, треба да му дозволите на Бог да се справи со вашата грижа. Никој од нас не е имун на нив.
Го знаете ова, но сакам да ве потсетам: грижата нема да помогне.
Исус ни го кажа ова во Матеј 6:27, „Може ли некој од вас со грижи да додаде еден час во својот живот?“ Се разбира, одговорот на прашањето на Исус е, не.
Телото е слабо, тоа може да се заштити. Но вие не можете да се спречите да се заразите со COVID-19 преку загриженост, затоа што душата знае да биде уште покревка ако тонете во загриженост.
Не можете да спречите ниту вашето семејство да се разболи, ако вашето размислување тоне во загриженост. Загриженоста нема да ви помогне да ја одржувате и вашата црква. Загриженоста само ги влошува вашите проблеми затоа што не можете да се приближите чекор поблиску до нивно решавање. Загриженоста не може да го промени вашето минато. Не може да ја промени ниту вашата иднина. Сè што може да направи загриженоста е да ја усложнува вашата сегашност.
Во Изреки 12:25 се вели: „Загриженоста го влече човек надолу“.
Вие не сте создадени без надеж
За ефикасно дејствување во ова време, треба да бидете пред се вие во најдобра состојба, како во телото така и во духот.
Како може да ја надминете загриженоста во текот на оваа стресна сезона?
Нека Исус биде вашиот Пастир.
Пастирот ја презема одговорноста да храни, да води и да ги задоволува потребите на своите овци. Забележете дека грижите не се ваша одговорност. Тие се одговорност на Бог.
Затоа да го започнуваме секој ден велејќи: „Господ е мојот пастир. Тој е добар Бог “.
Потоа да го повторуваме тоа во текот на денот.
Ако започнете редовно да ја повторувате оваа фраза, вашата загриженост ќе се намали. Потсетувајќи се себе си дека имате добар пастир кој се грижи за вас, се намалува загриженоста.
Дајте му на Исус контрола над секоја област од вашиот живот.
Загриженоста е предупредувачка светлина дека имате област што не сте ја предале целосно на Бога.
Кога Бог не е број еден во одредена област од вашиот живот, ќе постои грижа во таа област.
Кога сакате нешто повеќе од Бога, постанува извор на стрес и вознемиреност во вашиот живот.
Дури и добрите работи – како нашите бракови, децата и службите – можат да станат извори на загриженост ако им го дадеме првото место во нашите животи.
Кога нешто ќе стане идол во нашите животи, тоа создава несигурност и загриженост.
Опуштете се и дајте му ги на Бог вашите грижи во молитва.
Отсекогаш им посочувам на луѓето во мојата заедница да сметаат нивните благослови.
Во такви времиња, постојано мора да се потсетувате на сè што направил Бог во нашите животот.
Но, исто така, мислам дека е важно да ги идентификувате вашите грижи. Честопати, имаме општо чувство на вознемиреност, но не знаеме што го предизвикува тоа. Пред да му ги предадете на Бог вашите грижи, треба да имате јасна претстава за тоа какви се.
Откако ќе ги идентификувате, запишете ги и можете да ги предадете на Бог во молитва и уништете ја листата.
Петар рече: „Дајте му ги сите ваши грижи и бреме на Бога, зашто тој се грижи за вас“ (1 Петар 5: 7).
Не бевте создадени да ги понесувате вашите грижи. Тоа е неприродно. Бог е доволно голем и доволно силен за да се справи со сите ваши грижи.
Поверувајте му на Бог барем на еден ден
Не ја украдувајте целата своја иднина со тоа што ќе ги донесете нејзините грижи денес. Исус го кажа ова на овој начин: „Не грижи се за утре, зашто утре ќе донесе свои грижи. Денешната мака е доволна за денес “(Матеј 6:34).
Имате доволно во вашата чинија за денес. Не додавајте ништо друго.
Во ред е да се планира за утре. Во моментов, поминуваме низ едно од најуникатните искуства во историјата на црквата. Треба да направите планови за она што ќе го направите во наредните денови, недели и месеци. Можете да планирате за утре без да живеете во утре. Може да живееш само денес.
Бог постојано тестира колку му веруваме. Бог сака да решиме дали навистина го држи првото место во нашите животи. Пред да можеме да им помогнеме на нашите заедништва и цркви да го разбереме ова лично, мора во нас самите да биде ова разјаснето.
Овој уникатен период од историјата е еден од најголемите тестови со кои ќе се соочиме некогаш кога станува збор за довербата во Бог.
Бог вети дека ќе се грижи за нас. Тој ќе ги задоволи нашите потреби.
Дали ќе му веруваме?
Пастор: Rick Warren
